Theatersunion
Ս.թ. հունվարի 18-ին կայացավ ՀԹԳՄ վարչության նիստը: Օրակարգում ընդգրկված էին հետագա հարցերը.
1.ՀԹԳՄ «Արտավազդ» ամենամյա մրցանակաբաշխության անցկացումը 2023թ. մարտի 27-ին՝ Թատրոնի միջազգային օրը:
2.ՀԹԳՄ «Արտավազդ» ամենամյա մրցանակաբաշխության նոր կանոնակարգի հաստատումը:
3.ՀԹԳՄ «Արտավազդ» ամենամյա մրցանակաբաշխության փորձագետների կազմի հաստատումը:
Նկատի ունենալով, որ այս տարվա մրցանակաբաշխությունը կրկին հովանավորվելու է Երևանի քաղաքապետարանի կողմից, նիստին հրավիրված էր քաղաքապետարանի Մշակույթի և տուրիզմի վարչության պետ Գոշ Սարգսյանը:
Հարցերի վերաբերյալ ելույթ ունեցան և առաջարկություններ արեցին Գոշ Սարգսյանը, Արմեն Խանդիկյանը, Ռուբեն Բաբայանը, Լիլիթ Արզումանյանը, Կարինե Խոդիկյանը, Էմին Թորոսյանը, Տիգրան Ներսիսյանը և ուրիշներ:
Վարչությունը որոշեց.
1.Առաջարկված խմբագրումներով ու լրացումներով հաստատել ՀԹԳՄ «Արտավազդ» ամենամյա մրցանակաբաշխության նոր կանոնակարգը:
2.Հաստատել ՀԹԳՄ «Արտավազդ» ամենամյա մրցանակաբաշխության փորձագետների առաջարկված կազմը, որը կհրապարակվի առաջիկա օրերին՝ առաջարկված թեկնածուների համաձայնությունը ստանալուց հետո:
Բաժին: Նորություններ